Mae\u2019r Gweithdy \u2018Mwyngloddio Magnetau\u2019 i Ysgolion, y cyntaf un o\u2019i fath, wedi llwyddo i dderbyn cyllid gan Innovate UK i hybu addysg sy\u2019n ymwneud \u00e2 deunyddiau critigol ar gyfer technoleg wyrdd.<\/i><\/p>\n
Mae\u2019r gweithdy hollbwysig hwn yn arbennig ar gyfer dysgwyr oedran cynradd ac mae wedi\u2019i rannu\u2019n chwe cham allweddol o\u2019r gadwyn gyflenwi ar gyfer boron haearn neodymium (NdFeB) sef y magnetau parhaol sy\u2019n hanfodol ar gyfer cerbydau trydan.<\/p>\n
Mae Less Common Metals (LCM), sef BBaCh yn Ellesmere Port, yn creu systemau aloi cymhlyg a metelau ar gyfer y diwydiant magnetau parhaol yn bennaf. Gallwch ddod o hyd i nifer o\u2019r aloiau hyn mewn eitemau dydd i ddydd megis gliniaduron, ffonau symudol, clustffonau a seinyddion. Caiff y magnetau parhaol mwy eu defnyddio mewn tyrbinau gwynt a cherbydau trydan. Mae\u2019r cwmni yn allforio i 17 gwlad ac yn bodoli yn y gadwyn gyflenwi mwyngloddio magnetau fel gwneuthurwr canol.<\/p>\n
Mae Xplore! yn Ganolfan Darganfod Gwyddoniaeth ac elusen yn Wrecsam sydd \u00e2\u2019r nod o gyflwyno gwyddoniaeth mewn ffordd arloesol gerbron pobl o bob oedran. Mae arddangosion ymarferol di-ri yn y ganolfan sy\u2019n gyfle i\u2019r ymwelwyr chwilota ac arbrofi. At hyn, maen nhw\u2019n cynnal gweithdai addysgol i blant ysgol, naill ai yn y ganolfan neu mewn ysgolion. Fel rhan o\u2019u cynnig, mae Xplore! hefyd yn cydweithio gyda phartneriaid diwydiant lleol sy\u2019n rhannu gwerthoedd tebyg: y rheiny sy\u2019n awyddus i gydweithio gyda\u2019u cyflogwyr yn y dyfodol, neu\u2019r rheiny sydd ag awch i fuddsoddi yn eu cymuned. Drwy ddenu nawdd tuag at eu gweithdai mae modd i Xplore! fwrw iddi i gydweithio gyda busnesau lleol, gan gyflwyno enghreifftiau byd go iawn ar waith yn eu gweithdai rhyngweithiol.<\/p>\n
Mae LCM yn credu\u2019n gryf y dylai bod addysg a phontio\u2019r bwlch rhwng busnesau ac ysgolion wrth wraidd sicrhau cyflenwad o ddoniau sy\u2019n berthnasol i\u2019r diwydiant. Mae\u2019r cwmni yn ystyried hyn yn annatod er mwyn newid safbwyntiau a pharatoi\u2019r genhedlaeth nesaf i ddysgu am werth y diwydiant daear prin a sut mae\u2019n effeithio ar eu bywydau, yn enwedig gyda Thargedau Gwyrdd y DU ar droed.<\/p>\n
Yn gyntaf, yn \u00f4l yn 2021 bu i Xplore! a LCM fwrw iddi ar y cyd i gynllunio, datblygu a chyflawni\u2019r gweithdy gan gydweithio gyda 250 o ddisgyblion blwyddyn 5 a 6 o ysgolion cynradd a oedd yn lleol i LCM.<\/p>\n
Dywedodd Georgia Rigoni, Swyddog Gweithredol Cyfathrebu yn LCM: \u201cRydym wrth ein bodd o dderbyn cymorth gan Innovate UK i fynd rhagddi gyda\u2019r gweithdy hwn a mynd ati i\u2019w gynnal i 1500 o blant ychwanegol yn y Gogledd orllewin a Gogledd Cymru. Y nod erioed fu ennyn diddordeb rhagor o ddysgwyr ifanc ac rydym yn llawn cyffro gyda\u2019r syniad bod modd cynnig y gweithdy yn genedlaethol\u201d.<\/p>\n
Dywedodd Katie Williams, Rheolwr Datblygu Busnes yng Nghanolfan Darganfod Gwyddoniaeth Xplore! \u201cBuom yn cydweithio gyda th\u00eem LCM i gynnig y gweithdai ymgysylltu \u2018Mwyngloddio Magnetau\u2019 cyntaf un i blant oedran cynradd ac rydym ar ben ein digon bod gwaddol y prosiect yn parhau diolch i Innovate UK, drwy gynnal y gweithdai ac rydym yn edrych ymlaen yn arw at gychwyn arni yn 2024.\u201d<\/p>\n
Ychwanegodd Martin Cherrington, Arweinydd Rhaglen ar ran cadwyni cyflenwi deunyddiau critigol Cylchol yn Innovate UK: \u201cRydym wir wrth ein bodd y bydd ein partneriaeth yn helpu Xplore! ac LCM i gynnig y gweithdai i lawer iawn mwy o blant ysgol gynradd. Mae\u2019n fenter arbennig a fyddai\u2019n ysbrydoli\u2019r genhedlaeth nesaf ynghylch pwysigrwydd metelau daear prin ar gyfer trosi ynni.\u201d<\/p>\n
Mae\u2019r gweithdy, sy\u2019n para 45 munud, wedi\u2019i deilwra ar gyfer y Cwricwlwm Cenedlaethol ac mae\u2019n ymdrin \u00e2 chwe gweithgaredd ymarferol o adnabod tarddiad elfennau daear prin, echdynnu a gwahanu, malu metel i ocsidau, cynhesu a mowldio aloiau, magnetau a magnetau parhaol mewn cerbydau trydan.<\/p>\n
Bydd y prosiect yn fodd o ddatblygu rhanbarth o fyfyrwyr addysgedig sy\u2019n fwy tebygol o astudio daearyddiaeth, cemeg a daeareg ac a fyddai\u2019n ategu\u2019r system addysg er mwyn datblygu gweithwyr ar gyfer y dyfodol i LCM a chwmn\u00efau eraill yn y gadwyn gyflenwi. Yn ei dro bydd hyn yn lleihau\u2019r prinder sgiliau yn y dyfodol. Os hoffech chi gadw lle ar y gweithdy Mwyngloddio Magnetau, cysylltwch gyda th\u00eem archebion Canolfan Darganfod Gwyddoniaeth Xplore! ar bookings@xplorescience.co.uk a byddwn yn fwy na bodlon cynnal y gweithdy os oes digon o alw amdano.<\/p>\n","protected":false},"excerpt":{"rendered":"