Bu\u2019r bartneriaeth, a ffurfiwyd yn 2019, yn gyfle i\u2019r Principality ac Xplore! gynnal gweithdy hwyl a rhyngweithiol i blant oedran cynradd er mwyn hybu eu hyder wrth drin arian. Erbyn hyn mae 2000 o blant wedi mwynhau\u2019r sesiwn, a gyda\u2019r nawdd diweddar mae cyfle i 750 o blant ychwanegol fwynhau\u2019r sesiwn rhwng Medi a Rhagfyr 2022.<\/p>\n
Mae Xplore! wedi mynd rhagddi i greu llu o weithgareddau megis gweithgaredd chwarae r\u00f4l sy\u2019n gyfle i\u2019r bobl ifanc \u2018weithio\u2019 fel derbynyddion arian drwy gymryd yr arian, cyflwyno\u2019r symiau ac yna ei roi mewn coffor. Mae cyfle hefyd i\u2019r bobl ifanc weithredu fel cwsmeriaid drwy gyfrifo cyfanswm eu harian, ysgrifennu\u2019r symiau ar eu slipiau talu mewn a gofyn i\u2019r derbynyddion arian am ychwanegu eu harian i\u2019w cyfrif. Bu\u2019r chwarae r\u00f4l yn un o rannau mwyaf poblogaidd y gweithgaredd.<\/p>\n
Ymysg y gweithgareddau eraill oedd g\u00eam bingo darnau arian syml sy\u2019n annog y plant i adnabod y darn arian cywir, yn ogystal \u00e2 gweithgaredd sy\u2019n dysgu plant sut i ennill arian poced ychwanegol drwy dorchi eu llewys a chynnig help llaw o amgylch y t\u0177.<\/p>\n
Dywedodd James Harper, Rheolwr Cyfrifoldeb Cymdeithasol Corfforaethol, Cymdeithas Dai y Principality, \u201cMae\u2019n bleser gennym ni barhau i gefnogi\u2019r t\u00eem Xplore yn Wrecsam. Mae\u2019n wych gallu gweithio ar brosiect mor hwyl i blant sy\u2019n annog gwaith t\u00eem ac sy\u2019n cynnig sgiliau mor bwysig iddyn nhw allu datblygu.\u201d<\/p>\n
Dywedodd Katie Williams, Swyddog Datblygu Busnes yn Xplore! \u201cCafodd y gweithdy ei datblygu\u2019n wreiddiol i ddysgwyr blynyddoedd 1 a 2, ond yn dilyn y pandemig rydym wedi cynnig cyfle i\u2019r athrawon ddewis pa flynyddoedd y byddwn ni\u2019n cynnig y gweithdy iddyn nhw. Gyda phlant yn treulio llai a llai o amser mewn siopau yn trin arian parod, rydym wedi sylwi nad ydy plant mor gyfarwydd gyda darnau arian ac arian papur o gymharu \u00e2 phlant a wnaeth gymryd rhan yn yr un gweithgareddau cyn y pandemig.<\/p>\n
\u201cMae gallu cefnogi dysgu\u2019r plant drwy\u2019r gweithdy Ysgol Gynilo yn wych ac mae ond modd inni wneud hynny gyda chefnogaeth a nawdd hael Cymdeithas Dai y Principality\u201d<\/p>\n
Fel rhan o\u2019r bartneriaeth, mae Xplore! yn cynnal sawl diwrnod i aelodau ym mis Tachwedd lle bydd cyfle i gwsmeriaid Cymdeithas Dai y Principality ddod i Xplore! am bris gostyngol a chyfle i\u2019w plant gymryd rhan yng ngweithgareddau\u2019r Ysgol Gynilo. Cysylltwch gyda info@xplorescience.co.uk i wybod mwy.<\/p>\n","protected":false},"excerpt":{"rendered":"