Heddiw bydd elusen addysg Canolfan Darganfod Gwyddoniaeth Xplore! yn cyhoeddi lansiad Natur Xplore! \u2013 eu hwb gwyddoniaeth amgylcheddol newydd sbon danlli.<\/p>\n
Bydd y coetir sydd ar gampws Llaneurgain Prifysgol Glynd\u0175r Wrecsam (WGU) yn Sir y Fflint yn gartref i sesiynau ysgol goedwig cyntaf un Xplore! yn ogystal \u00e2 gweithgareddau gwyddoniaeth amgylcheddol arbenigol.<\/p>\n
Bydd Natur Xplore! yn dod a chwa o awyr iach i ardal o goetir hynafol drwy groesawu ysgolion, grwpiau cymunedol a phart\u00efon pen-blwydd. Yn ystod y canrifoedd a fu, bu hanes helaeth ynghlwm \u00e2 champws Llaneurgain Prifysgol Glynd\u0175r Wrecsam \u2013 o felin blawd o\u2019r unfed ganrif ar bymtheg i wersyll carcharorion rhyfel yr Ail Ryfel Byd yn ogystal \u00e2 ffordd Rufeinig hynafol hyd at yr enwog Glawdd Wat.<\/p>\n
Ynghyd \u00e2 chynnig cyfleoedd i ymwelwyr o bob oedran i ymwneud gyda\u2019r byd o\u2019n cwmpas, mae Xplore! yn falch y byddan nhw\u2019n mynd ati i amddiffyn a rheoli\u2019r goedwig 95 erw er lles cenedlaethau\u2019r dyfodol.<\/p>\n
Dywedodd Scot Owen, Rheolwr Canolfan Xplore! \u201cMae\u2019n wych gallu cynnig mwy fyth o brofiadau gwyddoniaeth nac erioed o\u2019r blaen. Bydd y safle newydd yn Llaneurgain yn safle gwyllt penodol cyntaf o\u2019r fath fydd yn agored i bawb ei archwilio.<\/p>\n
\u201cBu inni gynnal cannoedd o bart\u00efon pen-blwydd yn ein Canolfan Darganfod Gwyddoniaeth Xplore! yn Wrecsam yn ystod yr 20 mlynedd y bu\u2019n masnachu. Fodd bynnag, bydd ein cyfleuster newydd yn fan delfrydol ar gyfer cynnal part\u00efon pen-blwydd arbennig o amgylch tanllwyth o d\u00e2n.<\/p>\n
\u201cMae pwysigrwydd gwyddoniaeth amgylcheddol yn fwy amlwg nac erioed ac mae\u2019n bleser gan Xplore! gynnig gweithgareddau a fyddai\u2019n meithrin angerdd tuag at ecoleg, bioleg, s\u0175oleg a llawer mwy gyda Natur Xplore!.\u201d<\/p>\n
Bydd modd i Natur Xplore! fwrw golwg ar, archwilio a meithrin dychymyg y genhedlaeth nesaf o wyddonwyr amgylcheddol, ynghyd ag ennyn diddordeb y genhedlaeth hon mewn gwyddoniaeth amgylcheddol, yr awyr agored a theimlo\u2019n gartrefol ymysg natur.<\/p>\n
Ychwanegodd Lynda Powell, Cyfarwyddwr Gweithredol Gweithrediadau ym Mhrifysgol Glynd\u0175r Wrecsam ac aelod bwrdd ymddiriedolwyr Gwyddoniaeth Gogledd Cymru Cyfyngedig, \u201cMae lansio Natur Xplore! \u2013 hwb gwyddoniaeth amgylcheddol newydd yr elusen \u2013 yn arwydd o gyfnod cyffrous dros ben, yn enwedig wrth i Xplore! ddathlu eu 20 mlwyddiant eleni.<\/p>\n
\u201cBydd Natur Xplore! yn cynnig cyfle i bobl o bob oedran ymwneud gyda natur, yn ogystal \u00e2 mwynhau ystod eang o weithgareddau gwyddoniaeth amgylcheddol anhygoel yma yng Ngogledd Cymru odidog.\u201d<\/p>\n
Mae Ysgolion Coedwig ar waith ers tro ond bu i\u2019r cysyniad ddwyn ffrwyth yng Nghymru dros y blynyddoedd diwethaf heb os wrth i Ddeddf Llesiant Cenedlaethau\u2019r Dyfodol atgyfnerthu\u2019r cysyniad drwy ddatgan \u2018Cymru iachach\u2019 fel un o\u2019r saith nod llesiant.<\/p>\n
Mae\u2019r Gymdeithas Ysgol Goedwig yn disgrifio ysgolion coedwig fel proses dysgu ysbrydoledig lle mae\u2019r plentyn yn ganolog ac sy\u2019n ategu chwarae, archwilio a chymryd risgiau gyda chefnogaeth. Hyn i gyd gan hybu hyder a hunan-barch drwy brofiadau ymarferol, mewn man naturiol, o dan arweiniad y dysgwyr.<\/p>\n
At hyn, gyda bod presgripsiynu cymdeithasol yn dod yn fwyfwy cyffredin erbyn hyn, mae angen bwrw iddi i gynnig ymyriadau iechyd meddwl amgen ac ataliol sydd \u00e2\u2019r nod o gefnogi unigolion i gymryd mwy o reolaeth dros eu hiechyd eu hunain. Caiff y triniaethau eu cynnig ar ffurf gweithgareddau unigol yn aml ond mae rhai mudiadau wedi manteisio ar y buddion ynghlwm \u00e2 gweithlu sy\u2019n ymarfer ymwybyddiaeth ofalgar drwy feithrin cysylltiad agosach gyda natur. Mae Xplore! yn awyddus i glywed gan weithleoedd lle byddai eu timau\u2019n mwynhau diwrnod llesiant yn y goedwig.<\/p>\n
Yn ystod y misoedd nesaf, fe fydd Xplore! a\u2019u cwmni rhiant, Prifysgol Glynd\u0175r Wrecsam yn cyhoeddi mwy o fanylion am y bartneriaeth gyffrous hon ar gyfer Gogledd Cymru a thu hwnt.<\/p>\n
Os hoffech chi wybod mwy neu os hoffech chi gymryd rhan mewn gweithgareddau ar y safle, cysylltwch gyda ni drwy e-bostio: nature@xplorescience.co.uk neu ffonio: 01978 293400.<\/p>\n","protected":false},"excerpt":{"rendered":"