Mae\u2019n bleser gan Ganolfan Darganfod Gwyddoniaeth Xplore! gyhoeddi y buon nhw\u2019n llwyddiannus gyda\u2019u cais fel rhan o Gronfa Ffyniant Gyffredin Llywodraeth y DU. Bydd y gronfa drawsnewidiol hon yn fodd i Xplore! ddatblygu tua\u2019r dyfodol a sicrhau eu bod yn fwy cynaliadwy. Bydd Xplore! yn bwrw iddi i gyflawni gwaith ailddatblygu ar eu hadeilad yng nghanol y ddinas, gan ychwanegu paneli solar a gwneud gwelliannau i\u2019r to. Hyn i gyd gyda\u2019r nod o wella\u2019u heffeithlonrwydd ynni.<\/p>\n
Mae\u2019n adeg gyffrous i fod yn Wrecsam. Bydd y gronfa hefyd yn gyfle i Xplore! gyflawni rhagor o waith yn ein cymuned. Yn ystod y 18 mis nesaf maen nhw\u2019n bwriadu cynnal digwyddiadau a gweithgareddau cymunedol arbennig a newydd sbon. Caiff nod hirdymor Xplore! fel canolfan ar gyfer gwyddoniaeth a thwristiaeth yn Wrecsam ei hybu gan y gronfa gyffrous hon.<\/p>\n
Mae\u2019r Gronfa Ffyniant Gyffredin yn rhan o agenda Codi\u2019r Gwastad Llywodraeth y DU. Bydd y gronfa yn cynnig \u00a32.6 biliwn o gyllid newydd i\u2019w fuddsoddi\u2019n lleol erbyn Mawrth 2025, gyda phob ardal yn y DU yn derbyn dyraniad drwy fformiwla ariannu yn hytrach na chystadleuaeth. Nod y gronfa ydy cynnig cyfle i fudiadau adnabod ac ategu eu cryfderau a\u2019u hanghenion eu hunain ar lefel lleol. At hyn bydd y gronfa yn canolbwyntio ar falchder mewn lle a chynyddu cyfleoedd bywyd. Mae\u2019n fraint gan Xplore! fod ymysg sawl cais llwyddiannus yn Sir Wrecsam.<\/p>\n
Dywedodd Scot Owen, Rheolwr y Ganolfan, \u201cMae Xplore! ar waith ers 20 mlynedd erbyn hyn ac rydym wedi bod yn ffodus o dderbyn cyllid sydd wedi sicrhau modd inni dyfu a datblygu. Bydd y gronfa ffyniant gyffredin eto yn gyfle inni fynd rhagddi gydag ein hamcan ar gyfer yr adeilad a Wrecsam fel Dinas.<\/p>\n
Hoffwn ddiolch i d\u00eem Xplore! am eu gwaith diflino a Phrifysgol Wrecsam am eu gwaith o ddydd i ddydd er mwyn sicrhau bod Xplore! yn adnodd cymunedol hynod werthfawr.<\/p>\n
Rydym wedi achub ar y cyfle i ddefnyddio\u2019r cyllid hwn i sicrhau bod Xplore! yn gynaliadwy ar gyfer y dyfodol.\u201d<\/p>\n
Bydd y Gronfa Ffyniant Gyffredin yn fodd o drawsnewid Wrecsam ac mae Xplore! yn falch iawn o fod ynghlwm \u00e2\u2019r ymgyrch.<\/p>\n
Dywedodd Jasbir Dhesi, OBE, Cadeirydd Bwrdd Gwyddoniaeth Gogledd Cymru, \u201cMae\u2019r gronfa Ffyniant Gyffredin yn atgynhyrchiol dros ben i Ganolfan Darganfod Gwyddoniaeth Xplore! a Wrecsam fel Dinas.<\/p>\n
Bydd yr hwb ariannol hwn yn fodd i Xplore! fwrw iddi gyda\u2019u nod o sicrhau fod pob person ifanc yn ymwneud gyda gwyddoniaeth, yn derbyn cyfleoedd i ffynnu ac yn cael eu hannog i gyflawni addysg bellach.<\/p>\n
Mae Gwyddoniaeth Gogledd Cymru yn elusen addysg fach ac rydym yn dibynnu ar gyllid fel hwn i sicrhau ein bod yn parhau i gynnig gwasanaeth i genedlaethau\u2019r dyfodol. Mae\u2019r Gronfa Ffyniant Gyffredin yn sicrhau dyfodol i Xplore! ac rydw i\u2019n edrych ymlaen yn arw at weld beth allai Xplore! ei gyflawni gyda\u2019r gronfa.\u201d<\/p>\n
Yn ystod y misoedd nesaf, bydd Xplore! yn rhyddhau rhagor o wybodaeth am eu cynlluniau a\u2019r cyfleodd cyffrous i ymgysylltu yn Wrecsam yn y dyfodol. Bydd y digwyddiad cyntaf, sef Diwrnod Hwyl i\u2019r Teulu, ar Hydref y 7fed yn Safle\u2019r Hen Farchredfa ac mae\u2019n rhad ac am ddim. Bydd llu o weithgareddau hwyl i\u2019r teulu o 10yb tan 4yp. Dewch draw, does dim rhaid ichi gadw lle.<\/p>\n
\n","protected":false},"excerpt":{"rendered":"